Lo Departament de Pirenèus Atlantics entaus collègis e la Region Navèra Aquitània entaus licèus e CFA, que volón aviar ua senhaletica bilingua francés-occitan a cada construccion o renovacion de bastiments escolars. Atau, lo pòle Lenga & Societat que realizè un lexic a on caben las tres varietats de la Region (gascon, lengadocian e lemosin), on figura un còrpus consequent deus panèus mei recurrents dens aqueth tipe de bastiments de formacion. Atau, per tota navèra demanda de traduccion, l’unitat de la lenga, la coeréncia de las traduccions e la presa en compte de las realitats sociolingüisticas que son respectadas.
De notar que tots los tèrmes estón versats dens la basa de dadas deu TèrmÒc.
