Rémy Naude, conselhèr municipau, que’s carguè d’aviar lo projècte de noms de vias en occitan tà la comuna de La Vathmala dab un acompanhament lingüistic e tecnic deu pòle Lenga & societat.
Aqueste que validè las causidas de restitucion deus toponimes (dab l’expertesa de Maurici Romieu), e qu’acompanhè la fasa de valorizacion, notadament en missionar un expèrt entà la presentacion de l’interès globau deus estudis toponimics e d’aqueste cas concrèt.
Las diferentas estapas deu projècte :
- Estudi toponimic : listar l’ensem deus noms de lòcs (camins, quartièrs, arrius…) a partir deu cadastre napoleonian e de collectatges realizats au près deus poblants.
- Interpretacion deus noms : un còp collectats, aqueths toponimes qu’estón l’objècte d’un estudi apregondit e daubuas pistas entà explicar las lors originas qu’estón prepausadas.
- Causida deus noms de carrèras : ua causida qu’estó hèita peu conselh municipau au demiei deus diferents noms qui existivan a còps entà designar ua medisha carrèra.
- Presentacion aus poblants : l’estudi e los noms causits qu’estón presentats aus poblants au parat d’ua serada. Ad aquera escadença, Pierre Salles que viengó explicar l’origina e lo sens de cada nom, en har compte de las remarcas deus poblants.
- Installacion deus panèus bilingües.
Que podetz escotar ací lo document audio tirat deus collectatges hèits per Rémy Naude, dens lo quau e’s pòt enténer las votz de Juliette Marrimpoey e de Marie Naude :