Lo pòle Lenga & societat qu’entercalhè los candidats a las eleccions departamentaus e regionaus de 2021 tà çò de la lor futura politica lingüistica e que publiquè la lor responsa hens un site Internet dedicat.
La question de la lenga occitana qu’estó atau introdusida dens la campanha electorau e los electors que podón conéisher las posicions deus candidats deu lor territòri ad aqueth perpaus. Aquesta accion, coordenada dab los representants locaus deu collectiu Pour que vivent nos langues en seguit d’ua jornada de mobilizacion lo 29 de mai de 2021, que permetó de méter en lutz la problematica dens l’encastre de las eleccions departamentaus aus Pirenèus Atlantics e de las eleccions regionaus en Navèra Aquitània.
⤷ Visitar lo site Occitan 2021
Dens la continuitat de #2017OC
Aqueste site que hè resson a un anterior qui avèva servit pendent las campanhas electoraus legislativas e presidenciaus en 2017. Aquesta atruna comuna que permetó a tot cadun d’entercalhar los candidats atau com de har conéisher las lors posicions suu subjècte de faiçon accessibla.