Lo 11 de mai de 2023 qu’estó inaugurat un sendèr d’interpretacion deu patrimòni deu vilatge aussalés de Senta Coloma, nomenat « Las pèiras qui parlan ». Aqueth caminament que permet de’s passejar fisicament e capvath lo temps en hurgar los aspèctes geologics, istorics, arquitecturaus, etc. deu vilatge. Los panèus fisics que son en francés, mes que poderatz escotar l’audioguida, en escanerizar lo QR còdi tanlèu lo panèu de partença, a l’entrada de la comuna, en tot estar geolocalizat apuish mercés au vòste esmartfòne.
Las traduccions deus tèxtes qu’estón hidadas au pòle Lenga e societat deu Congrès, e qu’ei lo purmèr còp que la nosta sintèsi vocau occitana Votz ei emplegada concretament !
Que podetz léger los tèxtes e escotar l’audioguida en bearnés ací.
A notar tanben que la municipalitat de Senta Coloma e causí lo noste traductor automatic Revirada entà har ua traduccion « a la volada » deu son site Internet. Anatz clicar sus « Las Vaquetas » !