Lo 27 de junh de 2023, Lo Congrès qu’estó premiat a Pau aus trofèus e-Py organizats per La République des Pyrénées, peu son traductor automatic Revirada hens la categoria « Inclusion numerica », pairinada peu Departament deus Pirenèus Atlantics.
Revirada qu’estó realizat hens l’encastre deu projècte transfrontalèr Linguatec, dab un finançament europenc Poctefa gerit per la Comunautat de Tribalh deus Pirenèus. Que i avó un transferiment de competéncias de l’euskara, dab la societat Elhuyar, cap a las lengas aragonesa e occitana entà perméter la realizacion d’aquera atruna numerica basada sus dadas libras preexistentas hens Apertium.
Qu’ei Aura Seguièr qui n’assegurè lo desvolopament e qu’ei donc logicament era qui arrepresentè fisicament lo Congrès aus trofèus e-Py.
Ua vertadèra reconeishença peu demiei numeric de la FrenchTech. Ua prumèra per la lenga occitana !
