Inaugurada en julhet de 2015, aquera òbra dedicada au Tour de France qu’ei installada au Bòsc Louis, au ras de l’estadi Philippe Tissié : « lo Torn deus Gigants » que pren naturaument la soa plaça suu site istoric de las purmèras arribadas deu Tour de France e de l’ancian velodròme de Pau.
Dedicada aus qui an hèit la reputacion deu Tour de France e aus sons vencedors, aquera òbra qu’ei hornida cada an d’un totèm navèth. Sus cada totèm, QR Còdis que permeten d’aviar peu son esmartfòne, ua traduccion en divèrsas lengas deu tèxte de Christian Laborde.
Au demiei d’aqueras lengas deu Tour, l’occitan bearnés que tien la soa plaça gràcias a las traduccions realizadas peu pòle Lenga e societat, atau com lo prèst de votz entaus enregistraments audio dinc a l’annada 2017. En 2023, las traduccions alavetz mancantas, qu’ei a díser las a comptar de 2018, qu’an balhat lòc a fichèrs audio realizats aqueste còp gràcias a la nosta sintèsi vocau Votz.
Entà poder escotar los fichèrs sons, rendètz-vos suu site dedicat deu Torn deus Gigants.
Descobrir lo Torn deus Gigants en video (fr.).