La terminologia qu'ei l'estudi deus tèrmis pròpis a un maine, a ua activitat. Lo pòle Lenga & societat que mia estudis terminologics dab la mira de constituïr lexics especializats sus ua tematica.
L'objectiu qu'ei de méter a disposicion tots los mots ligats a ua activitat umana determinada, que s'agesca de mots especializats o de mots navèths. Que cau entad aquò consultar los lexics e diccionaris existents mes egaument recercar quau tèrmi ei utilizat hens los jornaus, las revistas especializadas... entà véder quin son tractats espontanèament peus locutors.
Los còrpus collectats que son tractats ad arron, en seguint lo principi d'accion deu Congrès qui ei la valorizacion deu comun en lo respècte de la diversitat.
La restitucion deu vocabulari constituït que's pòt har per ua edicion papèr o numeric, e per la mesa a disposicion hens atrunas en linha com lo Tèrmòc o lo Dicodòc.
Atruna cruciau de tota politica lingüistica entà ancorar ua lenga en lo son temps, la terminologia que respon aus besonhs d'actualizar la lenga, de formacion dens un maine precís mes enqüèra entà la comunicacion tot public.
