Lo pòle Lenga & societat que miè pendent quasi duas decennias ua campanha d’afichatge deu messatge de Bona Annada en occitan
Lo pòle Lenga & societat qu’estó missionat publicament peu Conselh Regionau de Navèra Aquitània e lo Conselh departamentau de Pirenèus Atlantics entà aviar aquesta operacion qui, de 2003 a 2022, qu’assegurè ua visibilitat grana a la lenga. Aquesta campanha que s’adreçava a un public larg, que parle la lenga, que la comprenga, que la sàpia léger o non, que sia d’ací o d’aulhors.
Aquesta campanha qu’èra multipartenariau, cadun portant la soa pèira a l’edifici : qui lo grafisme, qui la mesa a disposicion d’espaci publicitari capvath los sons hialats de transpòrts, qui ua plaça suu son site Internet.
De 2005 a 2017, lo grafisme qu’estó realizat per la societat de textile Adishatz, puish de 2018 a 2022, que son grafistas e estudiants grafistas de l’Escòla Superiora d’Art e de Design deus Pirenèus qui’s prenón lo relai en la matèria, en muishar lo ligam enter creacion grafica e identitat, enter lenga e cultura.
La difusion que’s hasó capvath supòrts papèrs divèrs (afichas e afichetas, cartas de vòts) e numerics, e que recorró a la contribucion d’associacions, enterpresas, comunas, intercomunalitats, departaments, regions…
⤷ Véder las videos de Bona annada
Los visuaus de las diferentas campanhas « Bona annada » :
