Condicions d’utilizacion

Lo Congrès permanent de la lenga occitana que s’i hè entà assegurar l’exactitud e l’actualizacion de las informacions difusadas suu site, qui’s guarda lo dret de corregir, en acòrd dab los autors deus documents, lo contiengut.

Lo Congrès permanent de la lenga occitana que declina la responsabilitat :

  • tà tota interrupcion deu site
  • tà tota apareishuda de cucas
  • tà tota inexactitud o tot desbromb qui pertocarén las informacions deu site
  • tà tots los domaus qui resultarén d’ua intrusion fraudulenta d’un tèrç qui avosse hèit seguir ua modificacion de las informacions mesas a la disposicion suu site
  • e mei generaument de tot domau dirècte e indirècte, quinas que sian las causas, originas, naturas o consequéncias ; e açò tanben entà las còstas qui poderén susviéner per’mor de l’aquisicion de bens perpausats suu site, las pèrtas de profieits, de practica, de dadas o tota auta pèrta de bens incorporaus qui poderén susviéner per’mor de l’accès de qui que sia au site, de l’impossibilitat d’i accedir o deu crèdit acordat a quauqua informacion qui vieneré directament o indirectament d’aqueste.

Tota informacion personau que l’internauta e seré amiat a transméter au Congrès entà l’utilizacion de mantuns servicis qu’ei sosmetuda a las disposicions de la Lei n° 78-17 Informatica e Libertats deu 6 de genèr de 1978. Ad aqueste títol, l’internauta que dispausa d’un dret d’accès, de rectificacion e de supression de las informacions personaus qui’u pertòcan que pòt exercir quan volha en enviar un corrièr.

Ligams

Lo site que pòt includir ligams de cap a d’autes sites Web o d’autas honts Internet. Com lo Congrès permanent de la lenga occitana non pòt pas controlar aqueths sites e aqueras honts extèrnes, lo Congrès permanent de la lenga occitana non pòt pas estar tienut per responsable de la mesa a disposicion d’aqueths sites e honts extèrnes, e non pòt pas suportar nada responsabilitat de cap au contiengut, a las publicitats, aus produits, aus servicis o tot aute materiau disponible sus o a partir d’aqueths sites o honts extèrnes. De mei, lo Congrès permanent de la lenga occitana non poderà pas estar tienut per responsable de tot domau o pèrta averats ou alleguats consecutius o en relacion dab l’utilizacion o dab l’ahida au contiengut, a bens o servicis disponibles sus aqueths sites o honts extèrnes.

Drets de proprietat deu Congrès permanent de la lenga occitana

Lo site atau com tot logiciau utilizat en relacion dab aqueste que pòden contiéner informacions confidenciaus e protegidas peu dret de proprietat intellectuau en vigor o tota lei auta. Atau, lhevat si i a ua mencion contrari, los drets de proprietat intellectuau d’aqueste site, deus elements creats entau site, deus documents escriuts e sonòrs contienguts, que son la proprietat deu Congrès permanent de la lenga occitana, deus autors deus tèxtes e de las personas o institucions detentoras de produccions lingüisticas. La reproduccion de tot document publicat suu site n’ei pas autorizada sonque tà las finalitats exclusivas d’informacion entà ua usança personau e privada, tota reproduccion e tota utilizacion de copias realizadas tà finalitats autas que son defenudas. Qu’ei tanben defenut de copiar, modificar, crear ua òbra derivada, inversar la concepcion o l’assemblatge o de tota auta manièra temptar de trobar lo còdi hont (a l’excepcion deus cas prevists per la lei), véner, atribuir, jos licenciar o transferir, quin que sia, tot dret tanhent aus logiciaus.

De mei, qu’ei defenut de modificar lo logiciau o d’utilizar versions modificadas deus logiciaus subertot (shens qu’aquera enumeracion sia limitativa) entà obtiéner un accès non autorizat au servici e d’aver accès au site d’un aute mejan que lo de l’interfaci qui v’ei hornida tà d’aquerò peu Congrès permanent de la lenga occitana.

Tà tota utilizacion publica deus documents hicats en linha suu site, l’acòrd de l’institucion hont o deus productors qu’ei obligatòri. (Rensenhà’s auprès deu Congrès permanent de la lenga occitana).

Drets especifics de certanas ressorças deu site

Lhevat mencion contrària au pè d’article, tots los imatges utilizats en las ressorsas que son liuras de drets, proprietat deu Congrès, o que son tiradas sites Internet mencionats dens l’article, dab l’excepcion de :

  • Afichas e liberets pedagogics deu CAUE64 ;
  • Lexic deu comèrci electronic : Société française de terminologie ;
  • Consignas sanitàrias trilinguas : Departament de Pirenèus Atlantics ;
  • Afichas « Bona Annada » : societat Adishatz (2006 a 2017), 2018 : Jean-Marc Saint-Paul ; 2019 : Ana Carpousis ; 2020 : Arthur Épineau ; 2021 : Lucie Roche ; 2022 : Aurore Tajan ;
  • Mustra intercativa Qui a matat Francés Canat ? : Atelier In8 ;
  • Guidas deu castèth de Montanèr : Ofici de torisme de Montaner ;
  • Lo Prosei : Bertrand Lapègue ;
  • Lexics trilingües : randolejada, pòrt e transpòrts : Comunautat d’Aglomeracion País Basco ;
  • Carrèras bilinguas de Tolosa : France Bleu ;
  • Lexic de la petita enfança : Aspiole ;
  • Traduccions divèrsas de la CAPB : Comunautat d’Aglomeracion País Basco ;
  • Quasernet de cantas : Seccion Paulina Bearn Pirenèus.

Dret a l’imatge

« Tota persona qu’a sus l’imatge son e sus l’utilizacion qui n’ei hèita, un dret exclusiu qui’u permet de s’opausar a la soa reproduccion ». Qu’ei defenuda tota reproduccion de las fòtos presentas suu site. Los drets d’aqueras fòtos ne son pas estats deishats sonque au Congrès permanent de la lenga occitana e sonque entà estar difusadas suu site. Si per cas ua persona e’s reconeish sus l’ua de las fòtos e non desira pas que lo son imatge e sia difusat suu site, qu’ac pòt har saber a e lo Congrès que harà çò qui cau tà que l’imatge sia suprimit.