Lo pòle Lenga & societat que coordinè la traduccion e lo doblatge d’ua enquèsta interactiva multimèdia.
Dens aquera version integraument en occitan, que cabussatz dens l’univèrs deu polar gràcias a la realitat aumentada. Lo dispositiu, basat sus la reconeishença d’imatge, qu’ei compausat per 7 panèus autoportants dab los quaus lo jogador interageish gràcias a ua aplicacion. Que pòt estar emprontat au CIRDÒC – Institut occitan de cultura o aquesit auprès de l’editor In8.
Qui a matat Francés Canat ? que prepausa atau un apracticament ludic de la compreneson orau de l’occitan dens las soas divèrsas varietats (gascon, lengadocian, lemosin e provençau qu’i son representats).
Aquesta enquèsta interactiva qu’ei adaptada en occitan a partir d’un concèpte originau deu Talhèr In8 (Qui a refroidi Lemaure ? ), coprodusida peu Talhèr In8 e lo CIRDÒC – Institut occitan de cultura.