Lo 28 d’octobre de 2022, los elejuts deu País de Bearn que s’engatgèn hens un programa de mesa en valor de la cultura bearnesa, hens totas las soas fòrmas. Aqueth guida practic que n’ei la concretizacion : un catalògue d’ideas e d’iniciativas, cap a equipas territoriaus (elejuts e tecnicians de las comunas e intercomunalitats). Ua hont d’inspiracion, un envit a desvolopar accions e animacions. .
Pensat com ua boeita d’utís, l’Esclipòt Hami de Bearn que’s destèca en fichas tematicas, dab un hèish d’informacions practicas, d’ideas originaus e d’exemples concrèts. Iniciativas navèras qui dan ideas, realizadas en Bearn que’u vieneràn neurir regularament.
Cada ficha qu’abòrda ua part especifica de l’accion culturau, e que la ve detalha en quate rubricas :
Qué [Mentavut atau] : que perpausa tipes d’accions e qu’identifica publics.
Perqué [Mentavut atau] : que precisa las afranquidas e los objectius defenits.
Quin [Mentavut atau] : qu’identifica las ressorsas deu territòri (estructuras, operators e servicis competents).
Qu’ac an hèit [Mentavut atau] : que balha exemples concrèts d’accions, de bon consultar au site Internet deu País de Bearn (accessible deu QR còdi enlà).
Lo pòle Lenga e societat que participà a la realizacion d’aqueth guida tà çò de l’integracion deu bilingüisme francés-occitan e las quitas traduccions en bearnés, atau com a la denominacion de la quita boeita ‘ »l’Esclipòt », qui servirà au País de Bearn entà destecar las fichas de presentacion hens los autes domenis de competéncia deu pòle metropolitan (agricultura, economia, etc.).
Véder l’ensemble de las fichas e la notícia deu guida « Hami de Bearn ».