La toponimia qu'ei importanta entà la compreneson deu lòc on demoram. Que permet de restituïr lo sens deu paisatge peu patrimòni lingüistic. Au còp, que permet ua visibilitat mei bona de la lenga occitana dens l'espaci public.
Lo pòle Lenga & societat deu Congrès que prepausa afranquidas qui associan las populacions. Que collècta la memòria viva deus abitants e qu'obtien atau noms qui son a còps diferents deus qui'ns demoran suu supòrt escriut. Los toponimes collectats que son apuish comparats, estudiats e restituïts.
Los resultats concrèts d'aqueths estudis toponimics que pòden préner mantua fòrma : restitucions publicas dab explicacions, senhaletica bilingua, panèus informatius suu sens deu nom d'un lòc, pagina web dab fichèrs audio e prononciacions locaus...
Los servicis nostes
Sensibilizacion/conselh toponimia
Perqué hicar en plaça ua senhaletica bilingua ? Quins enjòcs darrèr la restitucion deus noms de lòcs en lenga d'Òc ? Quin interès entau territòri ?
Estudis toponimics
Restitucion o validacion deus noms de comunas, de carrèras, lòcs-dits... Acompanhament tà la mesa en plaça d'ua senhaletica bilingua.
E voletz precisions ? Afinar lo vòste projècte ? Avetz ua demanda particulara ? Contactatz-nos.
Basa toponimica deu Dicodòc
La basa toponimica deu Dicodòc, multidiccionari deu Congrès, qu'a mei de 6 000 noms de comunas deus territòris occitans, de las vilas internacionaus o país.